jueves, 14 de noviembre de 2013
martes, 22 de octubre de 2013
CAUREL - FESTA DA CASTAÑA
Día: 9 e 10 de novembro de 2013.
Hora de saída: 7:00 h. do sábado.
Hora de chegada: 20:00 h. aproximadamente do
domingo.
Lugar de saída e
chegada: Vilar do Colo.
Sábado: Rota do río pequeno
Ficha técnica:
Situación: Serra do Courel.
Distancia: 16 km.
Tempo: 6h.
Dificultade: Media
Descrición da
rota:
O río Pequeno, ten unha lonxitude de
preto de 10 km. Dende o seu nacemento en Pedrafita do Courel e a súa
desembocadura no Lor en Seoane, as augas do río Pequeno corren entre soutos,
campos de cultivo, devesas e aldeas de pedra, madeira e lousa (algunhas das
cales habitadas, outras só trazos do pasado).
Parte do carreiro que vai atravesar
foi ata ben entrado o século XX, a única forma de comunicación entre os pobos
que se instalaron en busca de protección das montañas e á localidade de Seoane.
Soutos centenarios, sequeiros
abandonados, aldeas agora silenciosas, campos aínda traballados e fervenzas que
recórrense nesta rota circular. Ó val do río Pequeno forma parte dunha das
rutas máis recoñecidas do Courel.
A rota comeza en Seoane e lévanos ao
longo dos seus 16 km. a través dos ditos bosques, ás veces con vellas casas de
pedra, por monte baixo e pequenas aldeas. Pasaremos polos pobos de Paderne e
Mercurín. O camiño e pouco concorrido.
Domingo: mina da toca
Ficha técnica:
Distancia: 2.5 km.
Dificultade: Baixa.
Descrición da
rota.
As explotacións auríferas da Toca e
Torubio, baseábanse no sistema de “ruína montium”, a base de subir a auga ata
as vetas de mineral por un enleado sistema de canles e facela baixar polos
túneles escavados previamente. Este é o mesmo procedemento que se utilizaba nas
famosas minas leonesas das Medulas no Bierzo.
A mina da Toca está situada no monte
comunal entre os pobos de Piñeira e Vilela, municipio de Folgoso do Courel. A
mina atópase sobre a crista dunha escarpada falla que se eleva máis de 250 m.,
en vertical, da marxe dereita do regato de Vilela, na súa desembocadura no río
Lor. O relevo do terreo circundante é crebado e abrupto, con altos cumes e
estreitas e fondas gargantas, polas que
discorren infinidade de regatos alimentados coa auga do desxeo.
É unha explotación aurífera romana
ao descuberto na que se aprecia con nitidez como para o seu aproveitamento
seguíronse os filóns de cuarzo aurífero incrustados na rocha de xisto
cristalino. O ouro atópase nos filóns de cuarzo transversais ao eixo da mina
(os paralelos a el son estériles). Estes filóns auríferos foron intensamente
explotados por Roma, como o demostran as explotacións próximas de Torubio
Oeste, Torubio Leste, Millares e Monte Barreiro: En total, nas cinco
explotacións, removéronse uns 2.700.000 m3 de rocha, deles, 800.000
m3 foron na Mina da Toca.
Esta rota comeza cunha subida ata
chegar á aldea de Piñeira, onde atopamos un panel informativo de As Capelas, á
beira da capela de San Vicente. Desde este punto proseguimos en moderado
ascenso ata a Mina da Toca, onde atopamos o panel informativo da mina. Dende
aquí pódese observar na ladeira de diante a mina de Torubio Oeste. Despois de
bordear a mina pola vertente sur-oeste, comezaremos o descendo ata a aldea de
Piñeira.
Prezo
47€ por persoa, este prezo inclúe o
transporte, os seguros obrigatorios, a durmida no Albergue do Folgoso do Courel,
en réxime de aloxamento e almorzo. Neste albergue hai roupa de cama e toalla de
baño, polo cal non fai falla levalas da casa.
O xantar do sábado haberá que levalo
da casa.
A cea do sábado e o xantar do
domingo non está incluído no prezo.
Para a cea do sábado a organización
levará unhas empanadas, unhas bandexas de fiambre, pan, auga, cervexa e gasosa,
esto vai a escote. E a maiores o que queira levar algo da casa será benvido.
O domingo o que queira poderá comer
no Restaurante “Anduriña” en Seoane, o comedor o temos reservado para o grupo,
o prezo do menú é 10€, o que queira comer ten que avisar no momento de
apuntarse, para reservar o número de comensais.
O que queira pan fresco para o
xantar da rota poderá collelo en Seoane, polo cal o que queira pan ao
inscribirse avisar que pan quere para encargalo con antelación.
Inscrición
Poderá facerse a inscrición chamando
ao número de teléfono 667 232 513 ou na dirección de correo avvmontefaro@gmail.com ata o día 31 de outubro.
O pago farase no mesmo número de
conta na que se viña facendo ata o de agora.
Para calquera aclaración ou consulta
non dubidedes en poñervos en contacto connosco.
Rógase que a persoa que teña pensado acudir
a ruta, que se anote o antes posible para poder facer a reserva de habitacións
no albergue.
O número de prazas é de 32.
Importante
Hai que levar:
·
Calzado e roupa de montaña.
·
2 bastóns por persoa.
Nota
Se o día da ruta o tempo non nos deixa
facela, haberá outras rutas alternativas.
Tamén podedes visitar o noso blog avvmontefaro.blogspot.com.es, onde
atoparedes a información da rota e as fotos das que fixemos anteriormente.
jueves, 3 de octubre de 2013
ROTA SENDA "EL ARCEDIANDO" E VEGA DE ENOL
Día: 26 e 27 de outubro de 2013.
Hora de saída: 5:00 h. do sábado.
Hora de chegada: 21:30 h. aproximadamente do
domingo.
Lugar de saída e
chegada: Vilar do Colo.
Sábado: Senda “el ARcediano”
Ficha técnica:
Situación: Parque Nacional de los Picos de Europa.
Municipios
cércanos: Soto de Sajambre, Amieva.
Distancia: 16,5 km.
Tempo: 5h. 25 min.
Punto de saída: Soto de Sajambre (925m)
Punto de chegada: Amieva (605m)
Dificultade
(M.I.D.E.): 2-1-2-3
Desnivel de ascenso: 550 m.
Desnivel de
descenso: 900 m.
Cota máxima: 1540 m.
Cota mínima: 605 m.
Itinerario:
Soto de Sajambre-Valdelosciegos-Los
Collaos-Collada de Beza-Portilla del
Tarabicu-Pondemones-Toneyu-Sabugo-Curies-Les Valleyes-Collado de Angón-Amieva.
Descrición da
rota:
A Senda do Arcediano chegou a ser
unha das vías de comunicación máis importante entre o oriente asturiano e a
Meseta. No século X coñecíase como Vía Saliámica, nome relacionado co seu máis
que probable orixe romano. O seu actual nome data do século XVIII, cando D.
Pedro Díaz de Oseja, Arcediano de Villaviciosa e natural de Sajambre reserva no
seu testamento partidas destinadas á reparación e mantemento da ruta. O camiño
discorre dende o Porto do Pontón ata as inmediacións de Cangas de Onís,
cruzando ao seu paso os bosques sajambriegos e as malladas do concello de
Amieva.
Ao longo do percorrido pódense
disfrutar algúns dos máis sorprendentes paisaxes dos Picos de Europa. Espesos
bosques da faias e carballos, extensas praderías e acolledores pobos contrastan cos cumios
próximos do Macizo Occidental dos Picos de Europa. Ao longo da rota o camiñante
descubrirá lugares de incomparable beleza, como a pradería e carballeiras de
Verrunde, a Pica Ten, Os Collaos, o collao de Beza, as malladas de Saugu e
Toneyo, e pobos como Oseja, Soto e Amieva.
Camiño lineal, ben sinalizado, que
partindo dende o pobo de Soto de Sajambre vai en continuo ascenso ata a
Portilla de Tarabicu, dende onde poderemos disfrutar dunha fermosa vista do
Macizo Occidental o Cornión e a Cordilleira Cantábrica. A partir de aquí,
discorre todo o trazado en descenso ata chegar á collada de Angón e de aí a
Amieva, final da etapa.
Domingo: Vega de Enol
Ficha técnica:
Distancia: 5 km.
Dificultade: Baixa.
Descrición da
rota.
É unha rota circular pola cal
pasaremos tanto polo Lago Enol como polo Lago Ercina. Estes lagos son de orixe
glaciar formados a partir da acumulación de masas de xeo no período cuaternario
e que mantiveron o seu nivel freático.
Para facer esta rota sairemos de
aparcadoiro de Buferrera, con dirección ao Lago Enol, e máis grande en
superficie e máis profundo (ata 25m.) e non permite o desenrolo de vexetación
interna, polo que a súa vez non ten case presencia de aves acuáticas. Logo
chegaremos á Ermida del Buen Pastor, e chegamos a Vega de Enol, onde unha gran
pradería esténdese ante os nosos ollos, despois iremos ao Monte Palomberu, unha
vez que o atravesemos chegaremos a Vega Bricial, na cal formase un lago ou
lagoa temporal, este é o terceiro lago de Covadonga, e está alimentado por unha
espectacular cascada denominada polos veciños como “ La Meona”, pero só se
forma en época de desxeo. Antigamente toda a vega era un gran lago, este lago
podería ser permanente si se taponasen as fallas e sumidoiros que hai no seu
fondo, que se forman de maneira natural.
Cando ten auga é grande e fermoso.
Logo de pasar Vega Bricial atravesamos
a vella mallada de pastores de Las Reblagas, onde podemos deternos para
contemplar os patos salvaxes. E por fin chegamos ao Lago Ercina, que ten moi
pouca profundidade (2,5 m.) e de forma alongada, e o que se atopa a maior
altitude. Nel poden verse durante todo o ano algunhas poboacións de aves acuáticas
como fochas e patos reais, que se alimentan da vexetación acuática que crece
dende o fondo a escasa profundidade. Logo atravesaremos a Vega de Tiese e subiremos ao Miradoiro de Entrelagos dende
onde pódese divisar os dous lagos o Enol e o Ercina, e por fin regresaremos ao
aparcadoiro, non sen antes parar a tomar un café no restaurante do Lago Ercina.
prezo
85€ por persoa, este prezo inclúe os
monitores acompañantes, o transporte, os seguros obrigatorios, a durmida no
Hotel “Casa Fermín” en Cangas de Onís, en réxime de aloxamento e almorzo.
O xantar do sábado haberá que levalo
da casa.
A cea do sábado e o xantar do
domingo non está incluído no prezo.
O viaxe será directo a Cangas de
Onís onde pararemos tres cuartos de hora onde podemos aproveitar para mercar
pan e tomar un café.
Inscrición
Poderá facerse a inscrición chamando
ao número de teléfono 667 232 513 ata o día 20 de outubro.
O pago farase no mesmo número de
conta na que se viña facendo ata o de agora.
Para calquera aclaración ou consulta
non dubidedes en poñervos en contacto connosco.
Rógase que a persoa que teña pensado acudir
a ruta, que se anote o antes posible para poder facer a reserva de habitacións
no hotel.
O número de prazas é de 30.
Suscribirse a:
Entradas (Atom)